【2007/10/07東方日報】華語榜爭崩頭 本地薑失勢
2007/10/07【東方日報】華語榜爭崩頭 本地薑失勢
華語榜爭崩頭 本地薑失勢
第七屆「全球華語歌曲排行榜頒獎禮」今晚在紅館隆重舉行。據可靠消息透露，陳奕迅（Eason ）揮低周杰倫、羅志祥及古巨基等勁敵，勇奪「最受歡迎男歌手」獎，而「最受歡迎女歌手」獎，就落入亞洲天后孫燕姿手中！
今年大會共頒發十七個獎項，各路歌手競爭激烈，「最受歡迎男/ 女歌手」得主更是備受矚目。據悉，Eason 撼贏一眾勁敵，成功奪得「最受歡迎男歌手」，先拔頭籌，至於孫燕姿就撼贏李宇春和周筆暢等，穩奪「最受歡迎女歌手」獎。另外，唱作才子陶喆和天后容祖兒亦各自揮低對手，分別贏得「最佳男/ 女歌手」獎，可喜可賀！
今年飛輪海和S.H.E 等「台風」強勢襲港，本地樂壇頓時風聲鶴唳，飛輪海和S.H.E 雖未能抽空出席，但仍然獲獎；反觀今年獲獎的香港歌手並不多，看來本地薑要再加把勁！
張敬軒入圍當贏
張敬軒、衞蘭、側田、曹格及胡彥斌昨日為頒獎禮綵排。對於能躋身「最愛歡迎男歌手」最後五強，軒仔聞言說：「好巴閉！（信心？）睇好Eason ！我入圍五強已經當攞獎。（算唔算收復失地？）出年會出國語碟，好大可能聽（今）晚得個坐字。呢個榜同香港嘅唔同，競爭大好多。」另外，曹格在台上綵排時，軒仔和側田竟當眾攬腰共舞贈興，成功搶鏡！
由於台灣現正受颱風影響，大會製作統籌周國豐表示：「好彩張震嶽、燕姿同曹格都嚟咗，最擔心係羅志祥同F.I.R. ，原本佢哋今日嚟，但都被迫延遲。（陶喆？）佢要Check 早機，可能要喺台北機場等機位！」
版主see:
請加上來源網址
謝謝
[ 本帖最後由 see 於 2007-10-7 01:09 PM 編輯 ] | |
