原帖由 #7
Kwanpasta 於 2009-6-27 05:17 AM 發表
【2009/06/27 太陽報/東方日報】軒仔珍藏杜德偉嗌回水
http://orientaldaily.on.cc/cnt/e ... 0627/00282_010.html
米高積遜（MJ）原定於七月舉行五十場巡迴演唱會，不少藝人如
羅志祥、杜德偉、張敬軒等都是MJ的忠實fans，一早撲定門票準備飛去倫敦睇騷。如今偶像猝死，可惜之餘亦令眾人大失預算，杜德偉坦言希望主辦商能退回現金最實際！
樂壇天王MJ早前宣布在倫敦舉行復出演唱會，五十場門票以破紀錄四個半小時全部售罄，雖然演唱會期一改再改，但一眾MJ迷依然引頸以待！
被喻為「亞洲舞王」、經常模仿MJ的羅志祥（小豬）驚聞偶像死訊說：「千辛萬苦買到7月13日的門票，真是無法相信。」
一向視MJ為偶像的杜德偉，原打算與女友Bibe七月中飛到倫敦睇騷，他說：「門票劃一價三千幾蚊一張，其實因為要去台灣做《星光大道》行程好趕，都擔心睇唔到搞到好頭痕，依家仲死埋，希望可以換番錢較實際，人都唔喺度咯！」他透露87年MJ曾到訪香港，在機緣巧合下他被安排扮MJ身邊的將軍，並獲對方合照及簽名，他回憶說：「第一個眼神就畀佢電暈！曾睇過84年溫哥華同92年日本兩場演出，MJ台上表演係獨一無二，我同Rain全部係佢影子。」
祖兒：唔使諗計攞假
其實不少藝人已購下7月份的演唱會門票，不過王傑、張敬軒等打算把門票珍藏，而軒仔緋聞女友王菀之亦買了票，她聞死訊後只能以「omg（oh my god）」來形容心情。至於鄭希怡（Yumiko）更已訂定機票及酒店，她無奈地說：「佢係一個傳奇人物，未見過佢真人好遺憾。」容祖兒則自嘲已毋須再諗計仔攞假睇演唱會：「MJ嘅音樂、舞蹈同精彩演出永存喺全世界樂迷心中。」
蘇施黃：寧願佢唔得
身在英國的郭秀雲則以SMS回覆本報謂：「去年聖誕已買飛，仲係第一行，喺網上e-ticket過咗數，開騷前一周先畀飛，依家要等主辦單位處理。」歐陽妙芝亦買了第十場（7月28日）的倫敦演唱會飛，原定順道到意大利、英國和法國等地旅行，現令旅程失去意義。另外，林志玲昨日出席活動時得知MJ死訊即場嚇呆，眼泛淚光地表示很震驚：「他是時代指標，我最喜歡他的《We Are The World》，亦計劃去看其倫敦演唱會。」另外，蘇施黃亦有幾位朋友買了飛，她感嘆說：「好多巨星都『瓜』晒，不過我寧願佢唔得，好多巨星唔老得。」 文：專案組
--------------------------------------------------------------------------------------------------
【2009/06/27 太陽報】Rain受啟發入舞壇(提SHOW)
來源:
http://the-sun.on.cc/cnt/entertainment/20090627/00470_005.html
米高的舞步影響深遠，新一代舞王Rain與
小豬等均深受影響。Rain昨日在澳門威尼斯人度假村酒店舉行記者會，為今晚在金光綜藝館舉行的《Six To Five時裝演唱會》作準備，他表示收到米高的死訊後感到難以相信，而且深受打擊，他說：「好傷心，好遺憾，由細到大視佢為偶像，佢令我有跳舞動機，佢係舞者界嘅傳奇人物，亦係所有跳舞人嘅教科書，希望佢一路好走！佢無人能及，非常心痛，我會視佢為永遠偶像！」
至於經常在電視節目及演唱會模仿米高的「亞洲舞王」小豬，對偶像的逝世感到無法置信，他表示千辛萬苦才撲得米高的倫敦演唱會門票，可惜已無緣睹其風采。另外，以情歌冧盡亞洲Fans的曹格，原來亦曾模仿米高的舞姿，他說：「我一直視米高為偶像，聽到消息嗰刻以為係講笑，知道係真之後，即刻諗佢個女點算。（因為你變咗爸爸？）係呀！所以我好驚死，我會封今日為『MJ日』，希望可以完成佢嘅夢想，佢嘅夢想係愛同和平，可能上帝太愛佢，要帶佢上天堂，因為世界充滿痛苦同自私。」
---------------------------------------------------------------------------------------------------------------------------
【2009/06/27 東方日報】米高精神不滅成就三代舞王
來源:
http://the-sun.on.cc/cnt/entertainment/20090627/00470_001.html
美國流行天王米高積遜因心臟病猝死，震驚全球，一生傳奇的他，多年來創立了不少獨門舞步，當中以Moonwalk最為人津津樂道，更成就圈中三代舞王，精神長存。
早於五歲已展開歌舞生涯的米高積遜，以精湛歌藝及勁舞紅遍全球，更創立不少獨門舞步，包括Moonwalk、45度傾斜不倒及抽下體等，成為全球藝人的模仿對象！自八十年代開始，圈中不少「舞王」視米高為偶像，努力鑽研他的舞技，包括香港的郭富城、杜德偉及蔡一傑、韓國天王Rain、
台灣偶像羅志祥（小豬）、敖犬等，他們對偶像的逝世均深表難過。
城城震驚唔接受
叱咤香港多年的「舞台王者」郭富城，每次舉行演唱會均大跳勁舞，對於米高逝世，他說：「聽到呢個消息好震驚、好愕然同好難過！因為佢離去得好突然，我一時間未能接受係事實，佢對整個世界流行樂壇所作出嘅貢獻，真係無人可以代替，我真係好難過！」
至於八十年代經常模仿米高舞步的杜德偉，昨日接受電話訪問時表示曾與對方合作：「我做咗佢Fans好多年，當年佢去無綫借片場拍一場皇帝戲，我啱啱拍緊《城市故事》，見到佢即刻癲咗，想搵佢合照同簽名，工作人員叫我扮將軍，話可以企喺佢隔籬，最後我真係扮咗，仲影相影足兩個鐘添！佢好好人，喺張相同我件衫度簽名。」他還表示曾在溫哥華及日本欣賞米高演唱會，亦已購買下月16日的演唱會門票：「我買咗三千幾蚊嘅飛，退款會實際啲。
