largekat
組 長
 
UID 53753
精華
0
積分 16958
帖子 5093
閱讀權限 50
註冊 2007-6-29
來自 Hong Kong
|
【香港壹周刊第990期】國台扮-小豬衛生巾冧靚模
小 豬 同 李 毓 芬 第 一 次 合 作 就 撻 ， 證 明 小 豬 從 來 冇 遵 守 白 龍 王 所 講 ， 「 戒 色 必 紅 」 規 條 ， 最 緊 要 食 得 唔 好嘥 。
唔 使 著 白 色 褲 仔 跨 欄 踩 單 車 ， 亦 從 來 無 感 受 過 何 謂 月 經 前 緊 張 ， 小 豬 羅 志 祥 居 然 可 以 庄 ， 成 為 衞 生 巾 代 言 人 。
打 破 傳 統 框 框 ， 小 豬 「 衞 生 巾 」 效 應 果 然 work ， 升 任 為 月 經 大 使 後 無 論 人 氣 、 工 作 量 都 同 步 上 升 。 當 衞 生 巾 係 吉 祥 物 小 豬 ， 最 新 續 約 代 言 金 額 上 漲 五 倍 ， 更 與 廣 告 女 主 角 、 有 「 翻 版 徐 若 瑄 」 之 稱 23 歲 模 李 毓 芬 撻 ， 人 財 兩 得 。
處 男 之 作
06 年 ， 小 豬 事 業 再 起 步 ， 便 接 下 平 生 第 一 個 廣 告 ， 咪 就 係 衞 生 巾 。
第 一 輯 廣 告 中 ， 講 小 豬 女 朋 友 月 經 到 ， 個 肚 痛 到 出 唔 到 街 ， 於 是 小 豬 自 動 請 纓 幫 佢 買 衞 生 巾 。
呢 種 現 實 生 活 之 中 ， 如 有 雷 同 、 實 屬 巧 合 橋 段 ， 何 止 令 小 豬 人 氣 急 升 ， 廣 告 出 街 後 亦 大 受 台 灣 女 士 歡 迎 ， 市 場 好 多 女 性 品 牌 相 繼 跟 風 ， 搵 男 星 sell 化 妝 品 同 護 膚 品 ， 小 豬 簡 直 杜 絕 女 星 搵 錢 門 路 ， 開 拓 男 星 踩 場 爭 飯 食 另 類 市 場 。
自 從 拍 完 衞 生 巾 廣 告 ， 小 豬 事 業 運 從 此 順 風 順 水 ， 更 帶 起 男 明 星 拍 女 性 用 品 潮 流 ， 包 括 仔 仔 周 渝 民 拍 唇 膏 廣 告 ， 吳 尊 同 賀 軍 翔 亦 先 後 成 為 女 性 護 膚 品 牌 代 言 。
名 利 雙 收
早 排 小 豬 續 約 再 拍 衞 生 巾 廣 告 ， 即 刻 賣 口 乖 話 ： 「 當 初 這 就 是 我 的 第 一 支 廣 告 ， 自 從 代 言 女 性 用 品 之 後 ， 我 的 廣 告 代 言 量 不 斷 增 加 喔 ！ 今 次 的 代 言 費 也 漲 了 五 倍 。 」
據 知 ， 當 年 小 豬 處 男 下 海 價 只 有 80 萬 台 幣 （ 約 18 萬 港 元 ） ， 今 次 續 約 價 已 經 高 見 400 萬 台 幣 （ 約 89 萬 港 元 ） ， 學 何 博 士 話 齋 ： 冇 法 子 窮 。
今 次 新 一 輯 廣 告 ， 繼 續 以 「 好 朋 友 」 作 為 宣 傳 口 號 ， 即 係 月 經 代 名 詞 ， 成 功 取 締 台 灣 多 年 用 語 「 大 姨 媽 」 。
廣 告 中 ， 小 豬 稱 月 經 為 「 好 朋 友 」 ， 上 個 禮 拜 佢 住 宣 傳 標 語 到 小 學 sell 衞 生 巾 ， 向 一 班 小 五 學 生 解 釋 青 春 期 現 象 ： 「 希 望 男 孩 要 善 盡 好 朋 友 責 任 ， 看 到 女 同 學 因 為 『 好 朋 友 』 來 了 不 舒 服 ， 應 該 表 達 關 懷 與 幫 忙 。 」 但 班 仔 個 樣 ， 想 簽 名 多 過 想 聽 你 講 耶 穌囉 。
邀 拍 MV
早 在 去 年 12 月 ， 新 一 輯 廣 告 已 經 開 始 拍 攝 ， 品 牌 商 搵 現 年 23 歲 、 有 「 翻 版 徐 若 瑄 」 之 稱 模 李 毓 芬 做 女 主 角 。
李 毓 芬 台 灣 名 氣 一 般 ， 能 夠 同 天 王 小 豬 合 作 ， 拍 廣 告 當 日 開 心 到 語 無 倫 次 ： 「 很 害 羞 ， 一 直 在 NG ， 我 覺 得 小 豬 很 帥 、 很 親 切 、 很 舒 服 。 」
小 豬 聽 到 「 很 舒 服 」 三 個 字 ， 即 刻 搞 爛 gag ： 「 舒 服 ？ 這 是 第 一 次 有 女 生 這 樣 稱 讚 我 ， 很 特 別 ！ 不 過 還 是 很 開 心 ， 要 不 要 乾 脆 說 我 是 『 衞 生 棉 』 好 了 ！ 」
第 一 次 見 面 已 經 互 有 好 感 ， 小 豬 更 打 蛇 隨 棍 上 ： 「 下 次 有 機 會 可 以 再 合 作 拍 MV 啊 ！ 」
1/2 11:50pm
小豬同老友Topy以及Topy女友三人行去信義區威秀影城睇戲，離開戲院時同路過的fans揮手打招呼。
11:52pm
同 朋 友 道 別 後 ， 小 豬 一 個 人 去 停 車 場 車 返 屋 企 ， 沿 途 左 望 右 望 ， 非 常 鬼 祟 。
2/2 01:50am
大 約 凌 晨 一 點 九 ， 小 豬 樓 下 保 安 ， 大 廈 範 圍 四 圍 巡 視 ， 幾 分 鐘 後 ， 早 已 返 到 屋 企 休 息 小 豬 忽 然 車 外 出 ， 過 一 陣 ， 李 毓 芬 坐 的 士 抵 達 ， 再 以 摩 打 腳 跑 入 屋 苑 ， 之 後 小 豬 就 返 架 車 返 屋 企 停 車 場 。 以 車 護 女 ， 呢 招 前 掩 後 2.5 ， 誇咗D。
2/2 03:59am
凌 晨 三 點 二 十 分 ， 享 受 完 溫 柔 鄉 小 豬 ， 載 住 李 毓 芬 離 開 ， 不 過 只 係 車 佢 去 附 近 搵 的 士 。 當 記 者 上 前 影 相 ， 小 豬 即 刻 踩 油 走 人 ， 李 毓 芬 上 到 的 士 掩 面 驚 叫 ， 做 賊 咩 ？
11/2 01:25am
繼 買 榜 事 件 得 罪 唱 片 業 同 行 ， 小 豬 早 排 更 得 罪 局 長 級 官 員 ， 黑 成 咁 ， 聽 到 朋 友 話 「 烘 爐 地 」 土 地 公 好 靈 ， 即 刻 拜 神 趨 吉 避 凶 。
偷 情 斷 正
雖 然 小 豬 MV 承 諾 冇 兌 現 ， 但 兩 人 私 下 就 頻 頻 約 會 。 今 個 月 初 ， 小 豬 出 發 去 泰 國 拍 百 事 廣 告 前 一 晚 ， 同 朋 友 睇 完 戲 ， 就 約 李 毓 芬 返 屋 企 短 聚 。
歷 時 九 十 分 鐘 密 室 偷 情 ， 半 夜 三 點 幾 小 豬 駕 車 載 李 毓 芬 到 附 近 截 的 士 返 屋 企 。 記 者 上 前 拍 照 ， 李 毓 芬 驚 到 「 啊 ∼ 啊 ！ 」 大 叫 ， 更 用 手 掩 面 冇 膽 面 對 鏡 頭 。
東 窗 事 發 ， 兩 位 小 情 人 半 夜 三 更 急 忙 致 電 經 理 人 求 救 ， 要 坐 朝 早 八 點 鐘 飛 機 小 豬 ， 更 加 成 晚 冇 同 經 理 人 煲 電 話 粥 諗 計 解 話 ， 以 下 係 通 宵 度 橋 得 來 回 應 ： 「 昨 晚 只 是 打 麻 將 ， 還 有 阿 妹 （ 張 惠 妹 ） 的 助 理 小 蒨 ， 和 小 豬 的 朋 友 在 他 家 。 」
講 真 句 ， 得 九 十 分 鐘 ， 打 四 圈 牌 唔 庄 都 未 必 夠 時 間 ， 不 如 乾 脆 話 C 朗 上 身 踢 場 「 友 誼 波 」 罷 啦 。
真假 ︰ 雖 然 生 得 似 徐 若 瑄 ， 但 無 助 李 毓 芬 星 運 ， 只 係 舊 年 有 機 會 返 大 陸 拍 電 視 劇 《 生 死 孽 緣 》 ， 反 而 搭 上 小 豬 ， 人 氣 即 時 見 紅 。
李 毓 芬 檔 案
綽 號 ： 翻 版 徐 若 瑄
出 生 日 期 ： 1985 年 5 月 11 日 （ 23 歲 ）
身 高 ： 163cm
體 重 ： 43kg
三 圍 ： 32C 23 35
泰 國 還 神
溝 女 斷 正 小 豬 已 經 唔 係 第 一 次 ， 早 排 仲 俾 人 翻 出 舊 情 臭 史 ， 兩 年 前 曾 經 搭 上 做 陪 酒 女 郎 「 柔 柔 」 ， 搞 到 多 次 要 為 事 件 澄 清 。
黑 仔 事 件 之 後 亦 接 二 連 三 ， 除 鬧 成 個 月 唱 片 銷 量 買 榜 風 波 ， 較 早 前 小 豬 到 花 蓮 縣 ， 為 2009 九 鴻 牛 祈 福 元 宵 節 晚 會 擔 任 表 演 嘉 賓 ， 因 為 後 台 拒 絕 同 文 化 局 長 吳 淑 姿 合 照 ， 而 傳 出 被 當 局 封 殺 消 息 。
黑 成 咁 ， 小 豬 飛 去 泰 國 拍 廣 告 期 間 ， 專 登 去 四 面 佛 拜 神 ， 花 4,500 港 元 買 鮮 花 祭 品 ， 再 請 人 跳 舞 祈 福 兼 還 神 ， 希 望 唔 使 用 碌 柚 葉 沐 浴 露 ， 都 可 以 洗 晒的衰 氣 。
再 拜 土 地
去 完 泰 國 拜 神 ， 返 到 台 灣 冇 幾 耐 ， 小 豬 跟 朋 友 到 台 北 縣 、 中 和 南 勢 角 「 烘 爐 地 」 拜 土 地 公 。
「 烘 爐 地 」 出 名 招 財 、 增 運 ， 善 信 多 數 半 夜 先 去 拜 神 ， 所 以 小 豬 2 月 11 日 凌 晨 一 點 多 到 達 「 烘 爐 地 」 ， 依 照 拜 神 規 矩 ， 用 三 個 五 十 蚊 台 幣 ， 換 取 三 個 一 蚊 台 幣 ． 之 後 行 去 摸 土 地 公 佛 像 ， 再 將 三 個 一 蚊 入 落 紅 色 利 是 封 放 銀 包 ， 最 後 小 豬 買 一 大 堆 用 「 增 運 」 衣 紙 ， 邊 燒 邊 讀 出 衣 紙 上 經 文 。
不 過 ， 盲 字 都 唔 識 多 隻 小 豬 ， 好 多 經 文 上 字 都 唔 識 讀 ， 佢 唯 有 尷 尷 尬 尬 話 ： 「 神 明 對 不 起 ， 我 不 會 唸 ， 你 了 解 就 好 。 」
拜 神 最 緊 要 夠 神 心 ， 土 地 公 公 get 到 幫 你 消 災 增 運 咪 得 。
[ 本帖最後由 largekat 於 2009-2-26 09:35 AM 編輯 ]
 附件: 您所在的用戶組無法下載或查看附件
| 
 |
|
