jerlinyjl
秘 書
UID 127024
精華
0
積分 11979
帖子 1973
閱讀權限 40
註冊 2009-8-21
來自 新加坡SFC
|
【2014/06/27 香港娛樂頻道】自拍慾照 性伴恐慌 豬扒Coffee整容擒仔 羅志祥都唔放過
http://www.ihktv.com/sudden-987-coffee.html
為上位，可以有幾盡？上周，林芊妤 Coffee一廁成名，縱使潛水一周，但有關她的新聞依然陸續獻世。周二（ 24日），她和港男羅天宇牀上啜相更加離奇流出。為響朵，索性豁出去。
其實 24歲 Coffee入行以來目標明確，為踏星途，原本屬豬扒面、大牙肉、塌鼻、矇眼的她，多次靠削骨、開眼、收鼻翼，令五官變精緻。
而身體當武器的她，更嗒盡圈中男星，除已知的羅天宇和金剛外，原來她連鄧健泓甚至台灣天王羅志祥都唔放過。據知學足陳冠希鍾意拍牀照留念的她，更有不少慾照在手。男星們，睇路啦！
整完似超蓮
年初， Coffee變臉工程大致完成，而最後修葺的鼻，亦由原本又扁又塌的鼻，變為又直又挺的間尺鼻。驟眼睇，竟有點似何家最索千金超蓮。
上周二（ 17日），林芊妤 Coffee被爆與九億家底的上市公司 CEO林知譽在「殘廁 gathering」後， Coffee和殘廁男雙雙潛水。男方有傳向家族公司申請調往杭州冷靜，而 Coffee亦自稱返內地工作。周二（ 24日），大台高層樂易玲曾勒令她返公司交代，但 Coffee聲稱有病，拒絕蒲頭。
一向戰鬥格的 Coffee，無論對仔對事業均屬全攻型。 08年初入行原屬豬扒族類的她，雖然擁有 34D無敵身材，可惜五官平凡過平凡，因此大台只安排她做綜藝節目《耳分天下》的天使之一。不過在短短五年間， Coffee原本耳後見腮的多士面，卻靜靜起革命，經多次修葺後，終進化成今日的瓜子面。而本身冇鼻樑的她，近年鼻樑離奇變直變挺。變靚啲後， Coffee的上位機會亦隨之而來，在大熱劇《衝上雲霄 II》有機胸壓馬明，令她人氣急升。
變臉凸工
08年尾出道的林芊妤，在《耳分高下》做「 Sing之天使」時，幾乎集集賣心口，比其他天使更搏更懂把握上位機會。 09年尾她突然自稱重返校園進修數月，此後便由方角面變瓜子面，短短五年，更由矇眼逐漸變成 Bling Bling眼，變臉技術出神入化！
情慾片陸續嚟
Coffee被拍得與男友在殘廁越軌後，大台高層樂易玲即公開以「唔會姑息」鬧爆。周一更透露已召 Coffee返公司「照肺」，似乎大台準備開刀，殺一儆百。
殘廁事件後，近日網上忽然流出 Coffee與港男羅天宇在 09年拍拖時，在男方元朗寓所內自拍的慾照。在二人多張錫嘴相片中，可看出是由 Coffee揸機，同時亦有男方瞓覺時的偷拍相，足見二人關係親密。
據知這輯牀照其實只是女方第一波試金石，好戲還在後頭。「 Joey（羅天宇）幾年前啱啱入行仲係好純，佢追 Coffee時人哋呃佢未拍過拖，初頭兩個都好 sweet。不過後嚟 Joey發覺 Coffee好鍾意親熱時影相，仲試過拍 video。今次輯相出咗街，佢好唔開心，話驚有仲激啲嘅片會遲啲見街。」一知情人透露。
小豬也中招
估唔到 Coffee溝仔能力咁耍家，連遠在台灣的小豬羅志祥也「睇中」她，在面書選擇性 add她成為朋友。
有片流出，相信不止羅天宇冒汗， Coffee入行至今，還先後與金剛、奀星潘宗揚拍拖。但本刊收到消息，和她合作做《耳分高下》的鄧健泓，甚至台灣萬人迷小豬羅志祥亦曾拜倒她裙下。知情人透露：「嗰時 Coffee好搏，佢知自己唔靚，所以成日喺節目露胸走光搶鏡。佢又鍾意黐 Patrick（鄧健泓）玩，試過玩到坐對方大髀，做完節目又等埋 Patrick先走。 Patrick嗰時仲同緊李詩韻一齊，詩韻有次嚟探班，不過我哋估佢嚟監場多啲！」
周二（ 24日），鄧回應時反應亦離奇地大：「唔好辣我喎！我冇同佢影過相。」便匆匆掛線。
近距離獵仔冇難度，遠射亦同樣命中目標。09年仍與羅天宇拍拖的 Coffee，被爆在 facebook的朋友 list內，竟有台灣天王羅志祥（小豬）的名字，而小豬更主動 add籍籍無名的 Coffee。當時小豬的 facebook私人帳戶內僅得 60個朋友，可見 Coffee和小豬關係匪淺。據 Coffee一身邊人透露：「嗰幾個月 Coffee成日請假去台灣，佢仲同羅天宇講話要探朋友，我哋都估佢一定有仔喺嗰邊啦！」
「俾人摸好小事」
私生活一團糟的 Coffee，去年在節目中，自爆子宮頸細胞出現病變，要即時到醫院接受割除壞死組織手術。她亦自爆被 11名異性同時追求，又自豪多次在車廂內遭色狼非禮。「中三嗰年，有次喺調景嶺地鐵站行落月台，有個男仔迎面而嚟無啦啦除褲露下體，佢仲衝埋嚟壓低我，我即刻推開佢跑落月台，我冇報警呀，覺得冇乜大不了。又有一次喺車廂俾人影裙底，有個 CID在場幫我喝住個犯。其實搭咁多次地鐵，都慣咗成日俾人摸，摸籮都算係好小事。」被人摸都話冇蝕底，難怪 Coffee願意跟男友入殘廁 gathering。看來她的性觀念都幾開放。
[ 本帖最後由 Makoto 於 2014-6-28 02:53 AM 編輯 ]
| 
 |
|
